Regularne wuraze w tekstowych pytanjach wužywaś

Regularne wuraze daju se wužywas, aby za njepóstajonymi abo samo njewidobnymi znamuškami pytali.

note

Pytanje z regularnymi wurazami se wót pytanja ze zastupujucymi symbolami rozeznawa. LibreOffice Writer jano pytanje z regularnymi wurazami pódpěra.


Móžośo regularne wuraze wužywaś, gaž tekst w dokumenśe pytaśo a wuměnjaśo. „s.n“ na pśikład „syn“ ako teke „son“ namakajo.

  1. Wubjeŕśo Wobźěłaś – Pytaś a wuměniś….

  2. Klikniśo na Dalšne nastajenja, aby dialog rozšyrił.

  3. Wubjeŕśo kontrolny kašćik Regularne wuraze.

  4. Zapódajśo w pólu Pytaś pytański wuraz a regularne wuraze, kótarež cośo w swójom pytanju wužywaś.

  5. Klikniśo na Dalej pytaś abo Wšykne pytaś.

Pśikłady za regularne wuraze

  1. Regularny wuraz za jadnotliwe znamuško jo dypk (.).

  2. Regularny wuraz žedno abo jadno wustupowanje abo wěcje wustupowanjow pjerwjejšnego znamuška jo gwězdka (*). „123*“ na pśikład „12“, „123“ a „1233“ namakajo.

  3. Kombinacija regularnego wuraza za pytanje za žednym wustupowanim, jadnym wustupowanim abo wěcej wustupowanjami někakego znamuška jo dypk z gwězdku (.*).

  4. Regularny wuraz za kóńc wótstawka jo dolarowe znamuško ($). Kombinacija regularnych wurazow za zachopjeńk wótstawka jo cirkumfleks z dypkom (^.).

  5. Regularny wuraz za tabulator jo \t.

Symbol za Notica

Pytanje, w kótaremž regularny wuraz wužywaśo, jano w jadnem wótstawku funkcioněrujo. Aby z pomocu regularnego wuraza we wěcej ako jadnem wótstawku pytał, wuwjeźćo separatne pytanje w kuždem wótstawku.